Një rastet i trafikut të lëndëve narkotike me përfshirjen e disa anëtarëve nga një familje është goditur nga policia e Shkodrës. Nënë e bir, 58 dhe 28 vjeç janë arrestuar pas katër muajsh hetime me metoda proaktive, në bashkëpunim me Prokurorinë e këtij qyteti. Djali 28-vjecar së bashku me një tjetër 63 vjeçar u arrestuan në flagrancë në momentin që do shkëmbenin kanabisin me blerësin, i cili ishte një shtetas malazez. Policia e Shkodrës pasi identifikoi automjetin me të cilin ata po lëviznin për të bërë dorëzimin e drogës, e ndoqi nga pas deri në momentin kur u takuan me shtetasin malazez, një 35-vjecar që do të blinte 3.8 kilogramëve Në pranga ra edhe nëna e 28-vjeçarit të arrestuar, pasi dyshohet se ka bashkëpunuar për të siguruar lëndën narkotike. Bashkë me drogën, policia e Shkodrës sekuestroi 2 automjete dhe gjashtë celularë. Për rastin po kryen hetime më të thelluara prokuroria e Shkodrës.