Një operacion i gjerë i policisë italiane kundër trafikut ndërkombëtar të drogës dhe kundër shfrytëzimit të prostitucionit, i koordinuar nga policia e Milanos dhe e Brescias u finalizua këtë të mërkurë, duke çuar pas hekurave 24 persona, mes të cilëve 16 shqiptarë. Organizata kriminale kishte baza logjistike në provincën e Milanos dhe degë në të gjithë Italinë e Veriut, sidomos në Monza Brianza e Bergamo, por dhe në Kalabri e Zvicër. Sipas mediave gjithashtu organizata mbante lidhje të vazhdueshme edhe me Shqipërinë. Sipas hetimeve të arrestuarit kryeninin trafik droge në territorin italian dhe zviceran, trafik nga i cili qarkullonin miliona euro Hetimet, sipas mediave italiane nisën në prill 2020 nga një letërporosie ndërkombëtare pas arrestimit në flagrancë të një shtetasi italian në territorin zviceran me 6 kilogramë heroinë në makinën e tij. Gjithashtu hetimet arritën të zbulonin lidhjet mes dy organizatave kriminale ,në krye të të cilës ishin shqiptarë. Gjatë hetimeve u provuan një sërë episodesh të trafiku të drogës në provinca të ndryshme të Italisë Veriore, Bergamo, Monza dhe Brianza, Torino dhe Verona. Gjithsej janë sekuestruar 42 kg lëndë narkotike mes tyre heroinë, kokainë, hashash si dhe 40 kg përzierës, 2 pushkë dhe 13 mijë eurosh cash. Policia zbuloi edhe një apartament e një magazinë që përdoreshin si përpunimin e drogërave, si dhe disa apartamente dhe garazhe që shërbenin për ruajtjen e ngarkesave të drogës. Organizata menaxhonte në mënyrë të qëndrueshme dhe të organizuar një linjë të shfrytëzimit të prostitucionit të vajzave nga Lindja. Po kështu janë evidentuar dhe episode grabitje dhe zhvatjesh. Vajzat viheshin në dispozicion edhe në faqet e takimeve online dhe të prostituoheshin në banesat e menaxhuara për këtë qëllim nga vetë të dyshuarit. Pamjet: AFP