Përpjekjet për të mbajtur temperaturën afatgjatë të ngrohjes globale në 1.5 gradë Celsius, sipas ekspertëve po bëhet gjithmonë e më e vështirë dhe e paarritshme. Ekspertët e klimës u mblodhën në fillim të qershorit për t’u përgatitur për bisedimet e këtij viti për klimën gjatë muajit nëntor, pasi temperaturat mesatare globale të ajrit në sipërfaqe ishin më shumë se 1.5 C mbi nivelet para-industriale për disa ditë. Megjithëse temperaturat mesatare më parë kanë kaluar përkohësisht pragun 1.5 gardë Celsius, kjo ishte hera e parë që ata e kishin bërë këtë në verën e hemisferës veriore që fillon më 1 qershor. Temperaturat e detit gjithashtu thyen rekordet e prillit dhe majit. Valët ekstreme të të nxehtit kanë nisur të japin efektet e tyre në shumë shtetet të mëdha, tek të cilat u shënuan edhe viktima. Dy nga emetuesit më të mëdhenj të gazit serrë Kina dhe Shtetet e Bashkuara të Amerikës thyen rekordet e qershorit me temperature tejet të larta. Pjesë të Amerikës së Veriut ishin rreth 10 gradë Celsius mbi mesataren sezonale këtë muaj, përfshirë Kanadanë që u përball me një numër të lartë zjarresh, për shkak të të nxehtit. Në Indi, një nga rajonet më të cënueshme nga klima , vdekjet u raportuan të jenë rritur si rezultat i temperaturave të larta. As Spanja nuk mbetet pas me nxehtësinë ekstreme, përfshirë Iranin dhe Vietnamin, të cilët kanë raportuar shqetësimet e tyre. Vendet ranë dakord në Paris në vitin 2015 që të përpiqen të mbajnë rritjet mesatare afatgjata të temperaturës brenda 1.5 gradë Celsius, por sipas Reuters tani ka një mundësi prej 66% që mesatarja vjetore të kalojë pragun 1.5 C për të paktën një vit të tërë nga tani deri në vitin 2027.