Departamenti i Drejtësisë njoftoi arrestimin e një pakistanezi, i cili dyshohet për lidhje me qeverinë iraniane dhe është përpjekur të kryejë vrasje politike në SHBA. Hetuesit e FBI besojnë se Trump dhe zyrtarë të tjerë aktualë si dhe ish-qeveritarë ishin objektivat e komplotit, tha një zyrtar amerikan. Asif Mershant, 46 vjeç, akuzohet se ka udhëtuar në Neë York dhe ka bashkëpunuar me një vrasës për të kryer një atentat në fund të gushtit ose në fillim të shtatorit, sipas akuzave të ngritura nga prokurorët federalë në Brooklyn. Sipas prokurorëve, tregtari u arrestua më 12 korrik ndërsa përgatitej të largohej nga Shtetet e Bashkuara. Ai u prangos menjëherë pasi u takua me një vrasës të supozuar, por në fakt ishin oficerë të fshehtë të kamufluar. Aktualisht Mershant ndodhet në paraburgim. Tregtari pakistanez tha se synonte të eliminonte individë në Shtetet e Bashkuara që "po dëmtojnë Pakistanin dhe botën myslimane". FBI-ja hetoi komplotin e dyshuar para se një 20-vjeçar nga Pensilvania tentoi të vriste ish-presidentin Trump në një nga mitingjet e tij. Një zyrtar i zbatimit të ligjit i tha CNN se hetuesit nuk kanë gjetur prova se Merchant kishte ndonjë lidhje me të shtënat në Pensilvani.