Procesi i numërimit të votave për kandidatët në kryeqytet vijon ende në disa KZAZ, ndërsa rezultatet paraprake të së enjtes mbrëma tregojnë se në krye të listës së PS ndodhet Blendi Gonxhja me 20,410 vota, i ndjekur nga Erion Braçe me 17,886 vota dhe Ervin Hoxha me 17,205 vota. Më pas renditen emra të njohur si Fatmir Xhafaj (11,623), Xhemal Qefalia (8,763), dhe Anila Denaj (7,551). Lista e plotë tregon një garë të ashpër brenda PS, ku edhe figura të vjetra si Pandeli Majko (3,916) dhe Mimi Kodheli (3,580) pozicionohen më poshtë në renditje. Nga ana tjetër, tek PD-ja, Jorida Tabaku kryeson me 17,086 vota, e ndjekur nga Ilir Alimehmeti me 15,304 vota. Më tej vijojnë Ilir Meta (6,877), Asllan Dogjani (6,403) dhe Myslim Murrizi (5,371). Ndërkohë, figura të tjera Mimoza Hajdarmataj, Arjan Hoxha dhe Dhurata Çupi kanë marrë gjithashtu mbështetje të konsiderueshme nga votuesit. Në fund të listës ndodhen emra më pak të njohur, si Rudin Hylviu me vetëm 106 vota. Procesi i numërimit pritet të përfundojë në ditët në vijim, ndërsa rezultatet përfundimtare do të përcaktojnë fatin politik të disa emrave të njohur në skenën politike shqiptare.