Mesatarisht në një ditë 5 persona në kryeqytet evidentohen duke konsumuar një vepër penale që lidhet me drogën. Në vetëm 3 muajt e parë të këtij viti 120 persona janë arrestuar në tiranë për trafik apo shpërndarje droge ndërsa 280 të tjerë janë proceduar në gjendje të lirë. Referuar statistikave gjatë këtyre 3 muajve vetëm në kryeqytet jane sekuestruar 52 kg kanabis, dhe 3000 fara kanabisi. E lartë eshtë dhe sasia e kokainës së sekuestruar që rezulton droga më e përdorur në kryeqytet. Në operacione të ndryshme këtë tremujor janë sekuestruar 8.5 kilogram Kokainë. Përveç kanabisit tradicional në tregun e shpërndarësve të kryeqytetit është futur dhe kanabisi laboratorik me THC të lartë i cili në vendin tonë hyn nëpërmjet postës. Gjatë këtij viti policia e tiranës ka kapur 3 raste kur droga është nisur me postë nga kalifornia apo Chikago. Për të fshehur gjurmët trafikantët e nisnin pakon me lëndë narkotike në emrin e një personi që ka ndërruar jetë apo duke përdorur mjete identifikimi të vjedhura. Rritja e konsumatorëve të drogës sidomos I të rinjve është kthyer në një problem serioz në shumë shoqëri për këtë arsye policia ka ndërmarë dy operacione kombëtare kundër shpërndarësve. Gjatë vitit të kaluar vetëm në kryeqytet për këtë vepër penale u evidentuan 1542 persona.