Pas përleshjeve të dhunshme në Athinë, mes tifozëve të Dinamo Zagrebit dhe atyre të ekipit grek të AEK-ut, ku humbi jetën një 29-vjeçar, policia ka arrestuar njërin prej autorëve dyshuar. Tifozi kroat I cili mendohet se goditi me thikë të riun grek u ndalua në pikën kufitare të Kakavijës. Ai ishte duke lëvizur me një autobus të linjës Athinë-Tiranë dhe po tentonte të hynte në territorin shqiptar. Burime thanë se autori I dyshuar I moshës 19-vjeç u dërgua drejt drejtorisë së policisë Janinë ku po merret në pyetje nga ana e hetuesve lidhur me ngjarjen. Ndërkohë disa të tjerë u prangosën në pikat e tjera kufitare. Rreth 150 tifozë kroatë të Dinamos së Zagrebit udhëtuan drejt Greqisë dhe së bashku me tifozë të ekipit grek të Panathinaikos shkuan drejt stadiumit OPAP ARENA, dhe u përleshen me tifozët e AEK. Si pasojë e dhunës humbi jetën një 29-vjeçar grek I cili u qëllua disa herë me thikë nga një tifoz kroat ndërsa u plagosën 8 persona të tjerë.