Gjykata e Korçës ka lënë në masën arrest në burg 41 vjeçarin Ilir Çami, i cili plagosi me thikë në qafë ish partneren e tij 4 ditë më parë. Në seancën gjyqësore 41 vjeçari ka shprehur pendesë ndërsa ka pretenduar se konflikti ka ardhur për shkak se 46 vjeçarja i ka pasur një borxh prej 5 milionë lekësh që ai ja ka dhënë në periudha të ndryshme të cilin autori i ka kërkuar t’ja kthejë. Ngjarja u regjistrua mëngjesin e së mërkurës teksa 46 vjeçarja Manderina Çela ka qënë duke ecur në rrugë në lagjen nr 4 në afërsi të spitalit rajonal të Korçës. Autori dhe 46 vjeçarja shkëmbyen shkurtimisht një bisedë teksa kjo i fundit i ka thënë mos më përndiq. Kaq ka mjaftuar që konflikti i tyre të agravonte deri në përdorimin e thikës që autori e posedonte. Pas marrjes së mjekimit aktualisht 46 vjeçarja ka lënë ambjentet e spitalit dhe është kthyer në banesën e saj.