Shqipëria vijon të jetë në faqet e para të mediave britanike , për emigrimin në masë të qytetarëve drejt ishullit. ”Varfëria, dhe jo krimi po shtyn largimin e shqiptarëve, kështu shkruan the guardian në një artikull të gjatë . Në një vend me një popullsi më të vogël se Uellsi, thotë the guardian, gati çdo familje në Shqipëri ka një anëtar jashtë vendit. Ndërsa Sondazhet e njëpasnjëshme kanë treguar se të paktën 60% duan të largohen nga vendi. Qendra e vërtetë e mosmarrëveshjes që e ka shtyrë Londrën të dërgojë delegacionet e saj, nuk është në Tiranë, por gati 100 milje në veri-lindje, në malësitë e Shqipërisë të goditura nga skamja, ku ende shumë njerëz ëndërrojnë të shkojnë në Dover me gomone. Dikur vendi ku mbaheshin të burgosurit politikë, brenda pamjes së të ashtuquajturve "malet e mallkuara" të Alpeve Shqiptare, ku ata më me fat sigurojnë jetesën me një pagë prej vetëm 270 € në muaj. Në qytetin e Kukësit, të rinjtë thuhet se po ndjekin kurse intensive të gjuhës angleze, për t’u bashkuar miqve dhe të afërmve në Britani.Optimizmi i krijuar nga ndërtimi i një aeroporti ndërkombëtar në Kukës, një stadium futbolli me 8000 vende dhe rrugë të reja nuk arritën të përmirësonin kushtet për një jetë më të mirë. Ndërkohë që varfëria mund të jetë forca shtytëse për migrimin në veri, në Tiranë është arsimi dhe dëshira për jetë të lira nga miqësia dhe korrupsioni. “Mendoj se problemi ynë më i madh është të mos folurit sinqerisht për gjërat që duhet të na shqetësojnë ne si shoqëri,” thotë 28-vjeçarja Dafina Peci, sekretare e përgjithshme e kongresit kombetra të rinisë në tiranë, që këtë vit iu dha titulli i kryeqytetit rinor evropian. “Është e tmerrshme të portretizohesh si një komb që lejon migrimin e paligjshëm kur të gjithë e dimë se të largohesh nga zona jote e rehatisë, nga gjuha, nga familja – të gjitha kujtimet që ke njohur ndonjëherë – nënkupton një nivel dëshpërimi.”, thotë ajo . Rritja akute e kërkesave për azil nga të diplomuarit ushqen shqetësimin madhor të një largimi të paprecedent të trurit. Pamjet: AFP