Për Regina e John Zdravich ‘ëndrra italiane’ kishte nisur prej 20 vjetësh, që kur një student italian që ata pritën në shtëpi i kishte bërë të mendonin seriozisht për banesën e tyre ardhshme. Çifti u njohën me qiraxhiun e tyre në 2001 dhe prej atëherë vizituan disa herë Italinë me të cilën “ranë në dashuri” dhe nisën të mendonin të vendoseshin atje, shkruan CNN. Ata dolën në pension të dy në moshën 62 vjeçare dhe Italia ishte destinacioni i tyre kryesor, pasi e kishin njohur gjatë vizitave të tyre. Kështu që ata shitën shtëpinë e tyre në 2017, bënë bagazhet kryesore dhe u nisën drejt Italisë. Ndërsa John, thotë se ata “dolën mirë” me shitjen e shtëpisë dhe ishin “të qetë financiarisht” teksa përgatiteshin për zhvendosjen. Çifti u nisën për në Itali në janar 2018 bashkë me macen e tyre Sonya, por gjërat nuk shkuan saktësisht sipas planit. Ata u vendosën në Salerno, pranë Napolit dhe aplikuan për vizat e zhvendosjet për të pensionuarit nga jashtë BE, të cilëve u kërkohet një sasi të ardhurash për të marrë rezidencën në Itali. Për tre muaj ata kompletuan dokumentacionin e kërkuar por u tha se do të duhej edhe një vit, pasi sipas autoriteteve “kishin dalë në pension vetëm një vit më parë”. Të zemëruar me burokracitë dyshja tërhoqën aplikacionin e tyre dhe u kthyen në SHBA, ku nuk kishin më ku të qëndronin. Pas nje periudhe qëndrimi në SHBA, të pasigurt çfarë të bënin, çifti vendosën të ktheheshin në Itali për të mësuar më shumë. Teksa ishin aty, duke u informuar në forume amerikanësh që ishin jashtë vendit mësuan se shumë nga te huajt që kishin probleme me rezidencën në Itali në fund kishin zgjedhur të pensionoheshin në Spanjë. Megjithëse ata nuk kishin qenë kurrë në Spanjë vendosën të shkonin për të parë cilat ishin opsionet. Kur shkuan aty ata morën një apartament me qira për një vit që gjithsesi të kishin një vend nëse gjërat nuk funksiononin. John, babai të cilit është nga Serbia, nisi të punonte dhe për marrjen e pasaportës serbe, si një opsion nëse gjërat nuk funksionin përsëri. Regina thotë se John arriti të merrte qytetarinë serbe pas një muaji. Tashmë çifti po investonin në jetën e tyre në Spanjë, duke u vendosur në qytezën bregdetare të Oliva, në rajonin e Valencia. Çifti Zdravichs po kuptonin shpejt se e pëlqenin shumë stilin spanjoll të jetesës. Çifti rrjedhimisht bleu një shtëpi me tre dhoma gjumi në rajonin verior Catalonia, bashkë me dy hektarë tokë për 165,000 euro. Edhe pse ata u zhgënjyen për prishjen e ëndrrës italiane në 2018, çifti Zdravichs janë tashmë të lumtur në Spanjë.