Ukraina, Rusia dhe SHBA-të po zhvillojnë bisedime trepalëshe, për herë të parë që nga fillimi i pushtimit ushtarak në shkallë të plotë të Rusisë në shkurt 2022. Në bisedimet e Abu Dhabit, që do të vijojnë edhe gjatë të shtunës, Kremlini ka rikthesuar kërkesën e tij për territorin ukrainas. Bisedimet në Abu Dhabi janë samiti i nivelit më të lartë midis tre palëve që nga fillimi i luftës dhe vijnë në një kohë që kërkesat e Trump për të marrë Groenlandën kanë krijuar tension mes aleatëve perëndimorë të Ukrainës, ndërsa vendi po kalon një dimër të ashpër me pjesën më të madhe të infrastrukturës së saj civile të energjisë të dëmtuar nga sulmet ruse. Presidenti ukrainas, Volodymyr Zelensky, konfirmoi se çështja territoriale është fokusi kryesor në bisedimet që po zhvillohen në Emiratet e Bashkuara Arabe dhe që pritet të përfundojnë të shtunën. “Gjëja më e rëndësishme është që Rusia të jetë e gatshme t’i japë fund luftës që filloi”, tha Zelensky. Ai shtoi se është në kontakt të vazhdueshëm me delegacionin ukrainas, por theksoi se është ende shumë herët për të nxjerrë përfundime nga bisedimet. “Do të shohim se si do të ecë diskutimi dhe cili do të jetë rezultati”, përfundoi shefi i Kievit.