Tërmeti më i fuqishëm i këtyre ditëve me magnitudë 5.2 shkalla Rihter është regjistruar mbrëmjen e së mërkurës në orën 21.20 minuta në Cyclades midis ishujve Santorini dhe Amorgos dhe është ndjerë deri në rrethinat e Athinës. Më herët, një tërmet tjetër 4.7 shkalla Rihter ka ndodhur në të njëjtën zonë. Sipas Universitetit Kombëtar dhe Kapodistrian të Athinës, brenda 10 ditëve mbi 6400 lëkundje janë regjistruar mes dy ishujve në fjalë dhe specialistët shohin një përshkallëzim të fenomenit. Ndërsa aktiviteti sizmik vazhdon me intensitet në rritje, gjithnjë e më shumë sizmologë po lënë të hapur mundësinë e një lëkundjeje që do ti afrohet apo edhe do të kalojë shkallën prej 6 Rihter. Në një takim në Ministrinë e Mbrojtjes Civile për aktivitetin sizmik në ishujt Ciklades kryeministri grek Mitostakis foli për një fenomen gjeologjik jashtëzakonisht të ndërlikuar.