Presidenti i Shteteve të Bashkuara Joe Biden vendosi të tërhiqet nga gara presidenciale për një mandate të dytë në Shtëpine e Bardhë. Ai e mori vendimin pas thirrjeve të shumta brenda partisë së tij, që kërkuan të mos kandidonte pas humbjes së debatit të parë me ish-presidentin Donald Trump. Në një postim në platformën X, Biden tha se kjo vendimmarrje e tij është në interesin e të gjithëve dhe se do të vijojë të përmbush detryrën e tij si president deri deri në pjesën e mbetur të mandatit. “Ishte nderi më i madh i jetës sime që të shërbej si presidenti juaj. Dhe megjithëse ishte synimi im që të kërkoja rizgjedhjen, besoj se është në interesin më të mirë të partisë sime dhe të vendit që të tërhiqem dhe të përqendrohem në përmbushjen e detyrave të mia si President për pjesën e mbetur të mandatit”, shkroi Biden në një letër të postuar në llogarinë e tij në rrjetin social X ndërsa shprehu mbvështetje për nënpresidenten Kamala Harris.