Top Channel /Tentuan t’i “arratiseshin” policisë me taksi / Kapen në Spanjë dy “skifterët” shqiptarë

Dy të rinj shqiptarë janë vënë në pranga nga policia spanjolle nën akuzën si autorë të grabitjes së disa banesave në rajonin e Morrazos. Policia mori njoftim nga pronarët e një shtëpie se ishin grabitur dhe menjëherë ngriti disa postblloqe për të pamundësuar largimin e tyre me objektet e vjedhura. Efektivë mbetën të habitur teksa në bordin e një taksie zbuluan pikërisht dy shqiptarët e moshave 27 dhe 29 vjec, që me vete kishin dhe sendet me vlerë që kishin marrë nga shtëpia. Gjatë kontrollit në mjet, policia gjeti doreza dhe një elektrik dore që dyshohet se janë përdorur gjatë grabitjes, gjë që u vërtetua pas gjetjes së parave dhe bizhuterive.