Deputetja socialiste Klotilda Bushka , njëherazi kryetare e komisionit të ligjeve është nën hetim nga SPAK. Ky fakt konfirmohet zyrtarisht në të njëjtën dosje të kryebashkiakut Veliaj ku u shpallën tetë masa sigurie . Deputetja dyshohet për veprime që pengojnë zbulimin e të vërtetës sipas nenit 301 të kodit penal. Sipas burimeve të sigurta të TCH pranë SPAK bëhet me dije se konkretisht deputetja ka ndërhyrë tek një dëshmitar që prokurorët e kishin thirrur për cështjen Veliaj duke I sygjeruar heshtjen . Veprimet e deputetes janë ekspozuar gjatë vëzhgimeve të hetuesve të BKH gjatë hetimeve si dhe janë konfirmuar në vazhdim nga dëshmitari I pyetur prej prokurorëve të posacëm. Ndërkohë zyrtarisht pranohet se emri I Klotilda Bushkës është rregjistruar në rregjistrin e personave të dyshuar. SPAK njofton se deri në këtë fazë konstatohet se egzistojnëtë dhëna konkrete të cilat të çojnë tek dyshimi i arsyeshëm se personi nën hetim ka kryer veprime aktive të kundërligjshme të cilat kanë interferuar me hetimin e organit procedues në lidhje me procedimin penal nr. 27 të vitit 2024.