Personi që u arrestua në darkën e korrespondentëve të Shtëpisë së Bardhë me armë dhe thika, doli të hënën para gjykatës dhe u akuzua t për tentativë vrasjeje të presidentit amerikan Donald Trump. Ai do të qëndrojë në paraburgim ndërsa hetimet për çështjen vazhdojnë, raporton agjencia "Asociadet Press". Cole Tomas Allen, përveç akuzës për tentativë vrasjeje të presidentit të SHBA, do të përballet edhe me dy akuza për mbajtje armësh zjarri në një aktivitet publik. Mediat raportojnë se ai nuk e ka pranuar fajësinë, ndërsa prokurorët nuk kanë zbuluar një motiv të qartë, ndërsa në një mesazh që autoritetet thonë se u dërgua nga Allen tek anëtarët e familjes pak minuta para sulmit, autori e ka quajtur veten një “vrasës federal miqësor”. Hetuesit po i trajtojnë këto shkrime, së bashku me një mori postimesh në rrjetet sociale dhe intervista me anëtarë të familjes. Ndërkaq, nuk kanë munguar edhe spekulimet se sulmi mund të jetë inskenuar dhe media nuk e përjashton që paralelisht me ngjarjen të hapet edhe një hetim për këtë. Fjala "inskenim" u përhap shpejt në internet , duke tërhequr miliona shikime dhe komente. Disa elementë nxitën diskutime, përfshirë buzëqeshjen e shefit të Pentagonit Pete Hegseth menjëherë pas të shtënave, qëndrimin e qetë të disa prej të ftuarve, deklaratat e zëdhënëses së Shtëpisë së bardhë Karoline Leavitt pak para darkës, si dhe nivelin e sigurisë i cili, sipas një hetimi të Wall Street Journal , "ishte më i ulët se ai që do të gjeje në një stadium apo një festë".