Luftanije britanike do të lundrojnë drejt Detit të Zi në muajin maj mes tensioneve në rritje ndermjet Ukrainës dhe Rusisë, raporton gazeta Sunday Times. Një lëvizje e tillë, sipas saj, synon të tregojë solidaritetin e Londrës me Ukrainën dhe aleatët e vet në Nato. Një destrojer Type 45 i armatosur me raketa anti-ajrore dhe një fregatë anti-nëndetëse Type 23 do t`I shkëputen grupit të anijeve të marinës mbretërore në Mesdhe e do të kalojnë përmes përmes ngushticës së Stambollit në Detin e Zi, shkruan gazeta. Avionët RAF F-35B Lightning dhe helikopterët shësnjestrues të nëndetëseve Merlin do të qëndrojnë në gadishmëri në kuvertën e aeroplanmbajtëseës kryesore të grupit, HMS Queen Elizabeth, për të mbështetur luftanijet në Detin e Zi. Ndërkohë, dy anije ruse të Ropucha nga Flota e Veriut, të afta të mbajnë tanke, autoblinda e trupa gjatë sulmeve bregdetare, kaluan në ngushticën e Bosforit në 17 prill sipas Reuters. Atyrë pritet t`u bashkohen përforëcime nga flota e Rusisë në Balltik. I njëjti reportet thotë se ka parë të kalojë një anije me kamionë dhe pajisje për forcat e Natos në Rumani, një tjetër shenjë sipas tij, e përshkallëzimit të tensioneve në rajon.