Presidentja e Komisionit Evropian, Ursula von der Leyen njoftoi një paketë të re masash mbështetëse për Moldavinë gjatë një vizite sot në Kishinev. “Mesazhi im për popullin e Moldavisë është se ne qëndrojmë pranë jush”, tha von der Leyen. Masat e reja përfshijnë tarifa më të ulëta për telefonin celular dhe roaming midis BE-së dhe Moldavisë, 100 milionë euro (106 milionë dollarë) për sistemin energjetik të vendit, financim për sistemin e transportit dhe ndihmë më të gjerë ekonomike në afat të gjatë. Gjatë muajve të fundit, ka pasur tensione të përsëritura midis Moskës dhe Kishinevit. BE-ja vendosi dje sanksione ndaj shtatë politikanëve dhe biznesmenëve me shtetësi moldave dhe ruse, të dyshuar për minimin e vendit në emër të Rusisë duke planifikuar demonstrata të dhunshme ose eksporte të paautorizuara të kapitalit. Personave të sanksionuar do t’u ngrihen asetet dhe do iu ndalohet të udhëtojnë në dhe përmes BE-së. “Duket qartë se si Rusia po përpiqet të destabilizojë Moldavinë me veprime hibride”, tha von der Leyen. Pamjet: AFP