Ushtria kineze njoftoi dislokimin me urgjencë të forcave ajrore dhe detare me qëllim monitorimin e situatës, pas njoftimeve se një avion patrullues i Marinës amerikane ka fluturuar përmes Ngushticës së Tajvanit. Pekini reagoi ashpër duke thënë se tha se Shtetet e Bashkuara po tentojnë të “mashtrojnë” komunitetin ndërkombëtar.Rreth një herë në muaj, anije të ushtrisë amerikane apo avionë po kalojnë përmes ose pranë ujrave që ndajnë ishullin e vetëqeverisës të Tajvanit nga Kina kontinentale. Misionet në fjalë kanë nisur ta zemërojnë lidershipin kinez gjithmonë e më shumë. Kina nuk heq dorë nga pretendimet se Tajvani është pjesë e saj dhe këmbëngul se ka juridiksion mbi Ngushticën e Tajvanit. Tajvani dhe SHBA-ja e kundërshtojnë këtë pretendim, duke argumentuar se Ngushtica është në ujërat ndërkombëtare.Marina amerikane e pohoi lajsmin se një avion patrullues detar i saj fluturoi përmes Ngushticës “në hapësirën ndërkombëtare ajrore”, duke shtuar se fluturimi demonstroi përkushtimin e SHBA-së për një Indo-Paqësor të lirë dhe të hapur.“Duke operuar brenda Ngushticës së Tajvanit, në përputhje me ligjin ndërkombëtar, SHBA-ja mbron të drejtat dhe liritë e lundrimit të të gjitha shteteve”, theksohet në njoftim. Ushtria kineze kritikoi këtë fluturim, duke e cilësuar si “bujë mediatike” dhe duke shtuar se e ka monitoruar avionin amerikan gjatë fluturimit dhe është përgjigjur “në mënyrë efektive” ndaj situatës.