Megjithse dyqind vjet më parë bizonët ishin zhdukur nga Rumania, tashmë një nga gjitarët më të mëdhenj evropianë është rikthyer në pyjet juglindore të vendit. Rezultati vjen pas një projekti shtatë-vjeçar të grupeve të mbrojtjes së kafshëve, që pas kujdesit fillestar kanë bërë që komuniteti i bizonëve të bëhet i vetëmjaftueshëm. Kafshët ishin zhdukur prej gjuetisë dhe humbjes së habitatit por tani studiuesit shpresojnë që popullsia të arrijë së shpejti në 250 individë. Komuniteti i ri i bizonëve në luginat e maleve Karpate Carpathian i trembet vizitorëve, por gjurmët e tyre janë aty për ata që dinë të kërkojnë. Pas programeve të ruajtjes, kontinenti evropian numëron rreth 6,000 bizonë, që është një kushëri i largët i bufalos në SHBA. Shumica e tyre jetojnë pranë kufirit Poloni-Bjellorusi, ku mbrojtja e tyre ka nisur prej viteve 1950.