SHBA-ja premtuan t`i reduktojnë deri në fundin e kësaj dekade emetimet e karbonit me 50-52% nën nivelet e vitit 2005. Ky zotim i ri, që vjen pikërisht në Ditën e Tiokës, do të njoftohet në samitin virtual të 40 liderëve globalë, dhe praktikisht e dyfishon premtimin e mëparshëm të Ëashingtonit. “ Kjo lëvizje do të sfidojë botën në kuadër të ambicieve për luftën kundër ndryshimeve të klimës”, thuhet në një deklaratë të Shtëpisë së Bardhë.amerikanët shpresojnë se plani i tyre ambicjoz në ndihmë të mjedisit e planetit do të inkurajojë dhe Kinën, Indinë e të tjerë të hedhinm hapa të ngjashëm përpara takimit kyc të klimës, që është parashikuar të mbahet në Glasgoë në muajin nëntor. Zotimi i Bidenit paraqet një përditësim krahasuar me atë cfarë propozoi ish-presidenti, Barack Obama i cili në kuadër të Marrëveshjes së Parisit të vitit 2015 kishte parashikuar një ulje të emetimeve me 26 deri në 28 për qind deri në vitin 2025. Ish-presidenti amerikan, Donald Trump vendosi të tërhiqte Amerikën nga Marrëveshja e Parisit, por Biden me të marrë detyrën në 20 janar e shfuqizoi vendimin e tij."Shtetet e Bashkuara nuk do të presin, kombi ynë është i vendosur të veprojë tani", thuhet ne deklaraten e Shtëpisë së Bardhë. Disa skeptikë megjithatë e vënë në dyshim aftësinë e SHBA-së për të përmbushur këtë objektiv të ri, duke pasur parasysh sesa e përcarë është vetë politika amerikane.