Pas spak që shpalli mos kopetencën dhe ja kaloi prokurorisë lokale hetimet për vrasjen macabre të gjyqtarit të Vlorës , e cila ja delgoi prokurorisë së Fierit, edhe kjo prokurori ka pezulluar hetimet. Për gjetjen e autorëve që u përfshinë në atentatin e telekomanduar ndaj gjyqtarit Skerdilajd Konomi, që u vra në moshën 33 vjecare, familja e tij bën apel për rihapjen e menjëhershme të dosjes për të cilën kërkojnë transparencë publike si dhe arsyet se përse cështja mbetet e pazgjidhur. Familja kërkon gjithashtu përfshirjen e ekspertizës ndërkombëtare për hetime të paanshme si edhe rikthimin për hetime nga SPAK. Në një email të dërguar SPAK-ut , institucioneve të drejtësisë dhe Top Channel familja e Skerdilajd Konomit shpreh shqetësimin dhe indinjatën për vrasjen e pazbardhur të familjarit, një atentat që e konsiderojne një akt kriminal që përfaqëson jo vetëm goditjen ndaj një individi, por edhe ndaj sistemit të drejtësisë.Familja shkruan se kujtimi I gjyqtarit Konomi nuk mund të mbetet thjesht një përvjetor I radhës dhe se nuk mund të pretendohet ndërtimi I një drejtësie të re, nëse krimet ndaj përfaqësuesve të saj mbeten të pazbardhura