“Të gjithë të rënët e Luftës së Dytë Botërore" është studimi i parë i Akademisë së Studimeve Shqiptare që vjen në kuadër të 80-vjetorit të Çlirimit të Shqipërisë, me të cilin historianët nxjerrin në dritë shifrat e të rënëve në Luftën e Dytë Botërore, i cili fakton se viktimat nuk ishin vetëm nga radhët e partizanëve dhe armiqve dhe se antifashizmi ka qenë padyshim pluralist. Ndryshe nga shifrat zyrtare, ku flitet për 28 mijë dëshmorë, ky studim zbulon se janë 7200 partizanë, ballistë dhe legalistë që kanë rënë dëshmorë nga plumbi i armikut pushtues, ndërsa 2.222 shqiptarë janë vrarë gjatë asaj që quhet ‘lufta civile’. Nga ana tjetër, në territorin shqiptar, vdiqën 14.500 italianë dhe 2.400 gjermanë. Kështu, sipas historianëve Nevila Nika, Florian Çullhaj, Maringlen Kasmi, Çelo Hoxha dhe Hasan Bello bilanci i luftës në Shqipëri është 30 mijë viktima.