Njerëz të plagosur mbërrinin sot pasdite në spitalin e Kabul, pasi dy shpërthime të rënda tronditën aeroportin e vendit, të tejmbushur me njerëz që duan të largohen. Raportimet flasin për të paktën 13 të vdekur e dhjetra të palgosur, disa orë pas një paralajëmrimi të dhënë për të gjitha vendet perëndimore për sulme të mundshme terrori. Dëshmitarët thanë se një sulmues vetë-vrasës kishte shpërthyer mjetin e tij pranë një kanali në aeroport ku gjendeshin njerëzit. Ata thonin se kalimi ruhej nga forcat amerikane prandaj viktima mund të ketë edhe mes tyre. Të tjerë thonin se bomba goditi mes një turme të madhe njerëzish dhe viktimat mund të jenë shumë. Zëdhënësi i Pentagon John Kirby tha: “Konfirmojmë se ka pasur një shpërthim jashtë aeroportit të Kabul. Aktualisht numri i viktimave është i paqartë, do të sjellim të tjera detaje sapo t’i kemi”.