Top Channel/ Të ndalohet diskriminimi për flokët e grave me ngjyrë, pr/tligji i parlamentit francez

Dhoma e Ulët e Parlamentit të Francës ka miratuar një projekt-ligj që ndalon diskriminimin në vendin e punës bazuar në strukturën e flokëve, për të cilën mbështetësit e projektligjit thonë se synon kryesisht gratë në ngjyrë të zezë, që mbajnë flokët e tyre në mënyrë natyrale. Olivier Serva, një deputet i pavarur i Asamblesë Kombëtare për territorin francez në Guadelupe tha se ky vendim mund të parandalojë diskriminimin në vendin e punës bazuar në "stilin, ngjyrën, gjatësinë ose strukturën e flokut”. Ligje të ngjashme ekzistojnë në rreth 20 shtete amerikane, të cilat e kanë identifikuar diskriminimin e flokëve si shprehje të racizmit. Në Britani, Komisioni për Barazi dhe të Drejtat e Njeriut ka nxjerrë udhëzime kundër diskriminimit të flokëve në shkolla. Gratë "me prejardhje afrikane" shpesh ndryshojnë stilin e flokëve para intervistave për punë, tha Serva, një grua me ngjyrë. Edhe meshkujt preken në të njëjtën mënyrë. Projektligji u miratua në Asamblenë Kombëtare të dhomës së ulët të enjten, me 44 vota pro dhe dy kundër. Hapi i radhës është në senatin e sipërm. Serva, i cili përfshiu diskriminimin ndaj biondeve dhe flokëkuqeve në propozimin e tij, përfshiu një studim amerikan ku një e katërta e grave me ngjyrë tregonin se ishin përjashtuar në punë për shkak të mënyrës se si i mbanin flokët në intervistën e punës. Megjithatë, kritikët e projektligjit thonë se ai është i panevojshëm, pasi diskriminimi i bazuar në pamjen e jashtme është tashmë i ndaluar me ligj.