Presidenti amerikan Donald Trump dërgoi një mesazh të fortë në mbarë botën: kush hyn ilegalisht në Shtetet e Bashkuara do të përballet me pasoja të rënda. Kështu shkruan Shtëpia e Bardhë në platformën X, duke postuar një imazh të një rreshti emigrantësh me zinxhirë, teksa po hipin në një avion ushtarak. “Fluturimet e deportimit kanë filluar. Premtim i bërë, premtim i mbajtur”, shkruhet ne postim. Mbi 250,000 banorë të Nju Jorkut, janë urdhëruar të dëbohen, sipas një analize të janarit të të dhënave të gjykatës së imigracionit. Dokumenti tregon se në total janë 254,180 individë, që përpiqen nga viti 2000 deri në vitin 2024, të pajisen me dokumentet e qëndrimit të cilët raportuan një adresë shtëpie në shtetin e Nju Jorkut, por që kanë marrë urdhra largimi nga gjykatat, duke i bërë ata të përshtatshëm për dëbim, që nga administrata e kaluar. Vetëm në dhjetor nga Nju Jorku u dëbuan më shumë se 5000 venezuelianë që u urdhëruan të largoheshin me vendim nga gjykatat e Nju Jorkut.