Ministri i Brendshëm Taulant Balla ka zhvilluar sot një takim me strukturat drejtuese të Drejtorisë Vendore të Policisë Shkodër. Balla ka kërkuar të merren të gjitha masat që i takojnë Policisë, duke nisur që nga mbarëvajtja e sezonit turistik, intensifikimi punës për goditjen e grupeve kriminale si dhe për pastrimin e alpeve e zonave të thella, nga kultivimi i lëndëve narkotike. Gjithashtu ai theksoi se strukturat e Policisë duhet të kenë vëmendje më të shtuar edhe ndaj ndërtimeve pa leje, sidomos në qendrat urbane dhe zonat turistike. “Na duhet vëmendje e shtuar ndaj fenomenit të ndërtimeve pa leje në qendrat urbane e ato turistike. Nuk duhet të ketë asnjë tolerim”, tha ministri Balla. Më herët gjatë ditës ministri I ri u Punëve të Brendshme, vlerësoi operacionin e zhvilluar nga policia në zonën e Alpeve ku u asgjesuan mijëra bimë kanabisi.