Kanë kaluar muaj që nga vdekja e opozitarit rus Aleksei Navalny, por 22 tetori do të sjellë botimin e një libri, në të cilën ai ka parashikuar vdekjen në burg. Revista amerikane, The New Yorker ka publikuar një pjesë të librit në të cilin është përfshirë ditari i Navalnyt në burg, dhe dorëshkrime tjera të tij. “Do të kaloj pjesën e mbetur të jetës në burg dhe do të vdes këtu. Nuk do të kem kujt t’i them lamtumirë… të gjithë përvjetorët do të festohen pa mua. Nuk do t’i shoh kurrë nipat dhe mbesat e mia”, ka shkruar ai më 22 mars të viti të kauar. Në dorëshkrimet e tij vërehet vetmia në burg, por pa i humbur dozat e humorit. Libri, i quajtur “Patriot”, do të publikohet prej shtëpisë botuese amerikane, Nopf, e cila planifikon të publikojë edhe versionin rus. Navalny po kryente dënimin me 19 vjet burg, nën akuzat për “ekstremizëm”, në një burg në Arktik. Vdekja e tij më 16 shkurt, në moshën 47-vjeçare, është dënuar ashpër nga Perëndimi dhe shumica e kanë fajësuar Putinin. Navalny është arrestuar në janar të vitit 2021, pasi kthimit në Rusi nga Gjermania, ku ishte trajtuar pas një helmimi me agjent nervor në një qytet rus.