Ilir Vrenozi, demokrati i njohur nga Korça, ka denoncuar mashtrimin që i kanë bërë gjatë ditëve të fundit me një skedinë. Përmes një videoje të postuar në platformën TikTok, Vrenozi thotë se një person i quajtur Ervis Gjoli, që jeton në SHBA, e ka telefonuar në rrjetet sociale mëngjesin e së shtunës të datës 30 nëntor. Ai i kishte kërkuar të vinte 30 dollarë në skedinë në Amerikë dhe nëse do ta fitonte do t’i dërgonte paratë. Ndër të tjera ai tregoi se ndeshjet i kishte fituar të gjitha, por paratë nuk ia dërguan asnjëherë. “’Vër 30 dollarë më tha dhe e ke direkt sa ta fitosh. Mos ki merak, për një minutë vijnë lekët’, më tha. Epo Zoti mbarë ua bëftë, bekime iu dhëntë, i thashë. Po prisni dy minuta sa të shikojë ndeshjet. E mbylla unë, pashë ndeshjet, ia dërgon ndeshjet. 6 ndeshje i vajti koeficienti 36, 30 dollarë për 1100. I vuri ai, tha pa merak vëllai, po doli fitues për dy minuta vijnë aty. Bëra një super skedinë, ma nxori Zoti fitues, 30 për 1100. Mbaji 200, më dërgo 900 i thashë, asgjë nuk më dërguan”, rrëfeu Vrenozi.