Zyrtarët ukrainas që kanë qenë në pushtet në kohën e ish-presidentit ukrainas të lidhur me Kremlinin, Viktor Yanukovych, kanë blerë pasuri të paluajtshme në Dubai në vlerë të miliona dollarëve. Aty përfshihen civilë që nuk i kanë deklaruar këto asete dhe persona të tjerë që janë përballur me akuza për korrupsion, abuzim me pozitë publike apo tradhti, sipas një një hulumtim të Skemave, njësisë së Shërbimit ukrainas të Radios Evropa e Lirë, që është pjesë e një bashkëpunimi, me më shumë se 70 mediume përreth globit, që kanë analizuar disa të dhëna që tregojnë në hollësi për pronat në Dubai, blerjen apo përdorimin e tyre në periudhën 2020-2022. Në mesin e ish-zyrtarëve ukrainas, gazetarët kanë gjetur edhe emrin e Mykola Zlochevskiyt, i cili ka shërbyer si ministër i Ekologjisë dhe e ka themeluar Grupin Burisma, kompaninë më të madhe private për prodhim të gazit natyror. Ai bleu një rezidencë 11 mln euro në Dubai, ndërsa më vonë u dënua për ryshfet.