Një ditë pas takimeve të rëndësishme në Moskë, përfshirë një takim me presidentin Vladimir Putin, të dërguarit amerikanë, Steve Witkoff dhe Jared Kushner, kanë mbërritur në Kiev për bisedime, në kuadër të përpjekjeve për t’i dhënë fund konfliktit, i cili tashmë ka hyrë në vitin e pestë. Presidenti ukrainas, Volodymyr Zelensky, tha se bisedimet me emisarët amerikanë kishin nisur, duke publikuar një video që tregonte Witkoffin dhe Kushnerin në takim me të dhe zyrtarë të tjerë ukrainas. Takimi në Kiev u zhvillua disa orë pasi Witkoff dhe Kushner kishin zhvilluar një takim treorësh me Putinin në Moskë, vonë më 5 shtator. Një zyrtar i Shtëpisë së Bardhë i tha Radios Evropa e Lirë se “të dyja palët diskutuan plane konkrete për hapat e ardhshëm, të cilët do të bëhen publikë në javët në vijim” dhe se të dërguarit “presin me padurim takime po aq produktive” në Ukrainë më 6 shtator.