Moti i keq vazhdon të pengojë udhëtimet e pushimeve në të gjithë Shtetet e Bashkuara të premten, duke i lënë udhëtarët të përballen me vonesa dhe anulime gjatë një prej periudhave më të ngarkuara të vitit. Më shumë se 3,700 fluturime të së premtes janë anuluar tashmë që nga ora 11:00 ET, pas gati 2,700 anulimeve të enjten, sipas kompanisë së gjurmimit të fluturimeve FlightAware. Anulimet e së enjtes përfaqësonin rreth 11% të fluturimeve të planifikuara të kompanive me bazë në SHBA, me gati gjysmën e fluturimeve të vonuara të enjten. Ndryshimet e mëdha të presionit të ajrit që lidhen me këtë stuhi do të shkaktojnë erëra të forta. Më shumë se gjysma e popullsisë së SHBA-së pret fundjavën e Krishtlindjes nën alarmet e ftohjes së erës. Pjesa më me dëborë e një stuhie të rrezikshme dimri nuk ka ardhur ende. “Aeroplanët që në të vërtetë po fluturojnë janë më të mbushur sot se sa ishin para pandemisë. Kjo është arsyeja pse nuk ka aq shumë vende bosh për t’u zhvendosur nëse zbuloni se fluturimi juaj anulohet ose vonohet”, tha Scott Keyes i Scott’s Cheap Flights për CNN. Gjithashtu edhe trenat kanë pasur anulime udhëtimesh apo vonesa. Kompania liston gati 20 qytete si ndër ato më të prekura.