Shtetet e Bashkuara synojnë që vendimi i Qeverisë së Kosovës për riregjistrimin e makinave me targa serbe në RKS - Republika e Kosovës – të zbatohet në mënyrë paqësore, dhe të mos sjellë rritje të tensioneve. Kështu i ka thënë një zëdhënës i Ambasadës amerikane në Prishtinë, Radio Evropës së Lirë. Ambasada është përgjigjur se SHBA-ja, bashkë me partnerët evropianë, besojnë se vendimi i Qeverisë së Kosovës është në përputhje me marrëveshjet e Brukselit, dhe në se në parim, nuk kanë mospajtime për të. “Megjithatë, thuhet në reagim, ne kemi kërkuar, bashkë me partnerët tanë ndërkombëtarë, një shtyrje dhjetëmujore për zbatim të vendimit”. Shtyrjen e këtij afati të kërkuar nga perëndimi dhe shba, presidentja vjosa osmani ka refuzuar ta cilësojë si presion ndërkombëtar. Pamjet: AFP