Kryetarja e Kuvendit, znj. Elisa Spiropali, në prag të Ditës Ndërkombëtare të të Drejtave të Njeriut, zhvilloi në Kryesinë e Kuvendit një takim me krerët e komuniteteve fetare. Kryetarja Spiropali citohet të ketë deklaruar se është e rëndësishme të diskutojmë jo vetëm për lirinë e besimit, si një e drejtë e garantuar në Shqipëri, por edhe për rolin e komuniteteve fetare në garantimin e të drejtave të tjera themelore të qytetarëve, duke kontribuar për ndërtimin e një shoqërie më të mirë, më njerëzore, më të drejtë. “Mozaiku fetar ka theksuar kryetarja e kuvendit është një ndër pasuritë më të çmuara të Shqipërisë. Mirëkuptimi dhe harmonia fetare janë një referencë e rendësishme për Shqipërinë, e cila tashmë njihet botërisht si shtëpia e përbashkët e besimeve dhe komuniteteve fetare, dhe ofrohet si shembull e model edhe për vendet e tjera. E ka vënë theksin në bashkëpunimin e Kuvendit me institucionet dhe komunitetet fetare duhet të ketë në fokus forcimin e infrastrukturës sociale, fuqizimin e familjes dhe shëndoshjen e marrrëdhënieve familjare përfshi mbështetjen e familjeve dhe qytetarëve në nevojë etj. Ky bashkëpunim ka theksuar zonja Spiropali, duhet të ketë në qendër familjen, njeriun dhe qytetarin.