Presidenti i Serbisë, Aleksandar Vuçiç deklaron se Serbia është e interesuar të jetë vendi ku të mbahet takimi mes Presidentit të Federatës Ruse, Vladimir Putin, dhe Presidentit të ri të SHBA-së, Donald Trump, dhe se mund të garantojë siguri të plotë për të dy presidentët. Duke folur për një televizion serb, Vucic theksoi se Serbia është një vend tërësisht i pavarur dhe i gatshëm për të garantuar siguri të plotë për të dy liderët. E ndërsa përpiqet për të zënë një vend në arenën ndërkombëtare, brenda Serbisë situata për presidentin nuk është edhe aq e lehtë, pasi protestat e nisura nga situdentët bëhen cdo ditë edhe më masive në Beograd.Ishte Ëall Street Journal në një shkrim të sajin dy ditë më parë që citonte zyrtarë të Shtëpisë së Bardhë të cilët po planifikonin për një takim të mundshëm mes presidentit amerikan Donald Trump dhe atij rus Vladimir Putin. Artikulli, i cili citonte një zyrtar të lartë të administratës, thoshte se ambasadori amerikan në Rusi, Jon Huntsman, ka udhëtuar drejt Uashington për të ndihmuar në planifikimin e takimit.