Ju mund të keni dëgjuar thënien se çiftet e lumtur postojnë më së paku për marrëdhënien e tyre në internet. Megjithatë, në të njëjtën frymë, nëse marrëdhënia juaj mungon dukshëm ndërmjet postimeve, ndoshta ka një arsye pse. Teknologjia ka ndryshuar përgjithmonë peizazhin e marrëdhënieve në një fushë të minuar të shkaktuar nga aplikacioni. Kur bëhet fjalë për mediat sociale, çfarë duan njerëzit që të bëjnë partnerët e tyre? Në një studim të vitit 2023 zbuloi se 27 përqind e mbi 1000 të anketuarve donin që dikush me të cilin po takoheshin të postonin rreth tyre në mediat sociale. Po ashtu në një studim tjetër të vitit 2020 u zbulua se njerëzit që ndanin marrëdhëniet e tyre në internet, raportuan ndjenja më të forta lidhjeje me partnerin e tyre. Anasjelltas, një sondazh i ndryshëm i 2000 britanikëve në marrëdhënie zbuloi se ata që nuk postuan kurrë për partnerin e tyre në internet kishin më shumë gjasa të raportonin se ishin “shumë të lumtur” në marrëdhënien e tyre në krahasim me njerëzit që postonin për të disa herë në vit, një herë në javë ose tri herë në javë. Universiteti Northwestern zbuloi gjithashtu se ata që postonin më shpesh për partnerët e tyre ndiheshin të pasigurt në marrëdhëniet e tyre. Për shkak të asaj se sa të ndërlidhura janë mediat sociale me ekzistencën tonë, nuk mund t’i shmanget faktit që qasja juaj në praninë tuaj në internet si çift ka një ndikim në marrëdhënien tuaj jashtë rrjeteve sociale. Nuk është e detyrueshme të ndani informacion në lidhje me jetën tuaj në internet, por shumica e njerëzve e bëjnë këtë.