Një incident pa pasoja të rënda në ambientet e Spitalit Memorial në Fier. Mjeku kirurg Julian Malja është përfshirë në një konflikt me një punonjës në spital Sherri raportohet se nisi brenda mjediseve të spitalit ku punonjësi me detyrë kaldaist, është përfshirë në një konflikt fizik me mjekun Malaj. Pas përplasjes me grushte, për arsye ende të paqarta, kirurgu ka dalë nga spitali por punonjësi e ka ndjekur me një thikë në dorë dhe ka tentuar ta sulmojë. Pas këtij momenti policia ka mbërritur në vendngjarje, ndërsa mjeku Malaj është dërguar me autoambulancë në Spitalin Rajonal të Fierit. Policia konfirmon se mjeku nuk ka marrë dëmtime nga arma e ftohtë, thika që mbante në dorë punonjësi i spitalit, ndërsa tani po jep dëshminë e tij për ngjarjen në polici. Mjeku që u përfshi në konflikt është bërë i njohur për dëshminë e dhënë prej tij, pasi mbrëmjen e 29 marsit të vitit 2022 ka qënë mjeku që vizitoi një nga personazhet e botës së krimit, tani i penduar i drejtësisë, Nuredin Dumani. Në atë kohë Dumani mbeti i plagosur në një atentat dhe më pas u arrestua.