Reagimet e shuma që ngjalli arrestimi i papritur i kreut të aplikacionit ë njohur Telegram, e ka detyruar presidentin francez Emmanuel Macron të kalojë në mbrojtje. Arrestimi në Francë i Pavel Durov nuk ishte veprim politik por pjesë e një hetimi të pavarur, deklaroi shefi i Elizesë. “Vendi është thellësisht i përkushtuar” ndaj lirisë së shprehjes, por “liritë garantohen përbrenda një kornize ligjore, si në rrjetet sociale edhe në jetën e përditshme, për të mbrojtur njerëzit dhe për të respektuar të drejtat e tyre thelbësore”, ka shkruar Macron në platformën X, duke e përcjellë kështu mesazhin e tij pikërisht në rrjetin social të kontrolluar nga Elon Musk që u shpreh më herët kundër arrestimit të shefit ekzekutiv të Telegramit e deklaroi se me këtë logjikë, duhet të ishte prangosur së pari Mark Zuckerberg. “Instagram ka një problem masiv të shfrytëzimit të fëmijëve, por nuk ka arrestim për Zuckerbeg, pasi ai censuron fjalën e lirë dhe u jep qeverive akses në të dhënat e përdoruesve”, tha Musk në X. Siaps raporteve në mediat franceze, Durov u ndalua në aeroportin e Parisit të shtunën në bazë të një fletë-arresti që pretendon se platforma e tij është përdorur për pastrim parash, trafik narkotikësh dhe shkelje të tjera. Macron insistoi se arrestimi i tij nuk ështe aspak një vendim politik. Është në duart e gjykatësve të marrin vendim, tha presidenti francez. Disa zyrtarë rusë e kanë përshkruar sit ë motivuar politikisht këtë ndalim, duke thënë se ai ilustron sipas tyre standardin e dyfishtë të Perëndimit përsa i përket lirisë së shprehjes.