Të paktën 46 gra të burgosura humbën jetën në një burg në Honduras si pasojë e një përplasjeje me armë zjarri që u shënua brenda godinës. Dhuna brenda ambienteve shpërtheu ku anëtarët e një bande sulmuan rivalët e tyre duke shkaktuar trazira në disa zona në vend. Ata hynë dhe në ambientet e burgut, ku sipas autoriteteve dhe dëshmitarëve, I vendosën zjarrin njërës prej godinave dhe më pas vranë të burgosurat. Shumë prej viktimave u qëlluan me armë zjarri ndërsa shumë të tjera me mjete prerëse. Po ashtu nga përplasjet u plagosën dhe shumë të dënuara të tjera. Sipas policisë, agresorët kishin me vete më shumë se 21 armë zjarri dhe granata ndërsa 11 prej tyre janë identifikuar tashëm dhe janë shpallur në kërkim. ndërkohë brenda ambienteve të burgut, vijojnë kërkimet pasi shumë gra të dënuara ende nuk janë gjetur dhe mendohet se mund të jenë djegur të gjalla nga flakët. Presidentja e Hondurasit u shpreh e tronditur nga ngjarja monstruoze që ndodhi para syve të autoriteteve të cilat nuk ndërhynë për ta parandaluar. Ajo shpalli gjendjen e jashtëzakonshme në vend ndërsa shkarkoi ministrin e brendshëm. Krimi organizuar mbetet një nga problemet më të mëdha në shtetin e Hondurasit. Kjo pasi shumica e të dënuarve drejtojnë rrjetet kriminale nga burgjet, ndërsa shpesh qëndrojnë dhe të armatosur edhe pse të burgosur.