Tre ushtarë amerikanë u vranë dhe shumë të tjerë u plagosën gjatë një sulmi me dron në pjesën verilindore të Jordanisë. Presidenti amerikan, Joe Biden gjatë një deklarate të dhënë për shtyp tha se sulmi kamikaz u krye nga grupet militante që mbështeten nga Irani. “ende jemi duke mbledhur faktet rreth sulmit, ne e dimë se është kryer nga grupe militante radikale të mbështetura nga Irani që veprojnë në Siri dhe Irak”, deklaroi Biden, Sulmi ndodhi mbrëmjen e 27 janarit, ndërsa mediat amerikane raportojnë se u plagosën rreth 35 ushtarë. Ndërkohë televizioni shtetërore jordanez njoftoi se ngjarja ndodhi në territorin e Sirisë dhe jo atë të Jordanisë. Ky sulm është I pari kundër trupave amerikanë që nga nisja e luftës në gaza. Për shkak të aleancës me mbretin e jordanisë, rreth 3000 trupa amerikanë janë vendosur në këtë shtet. Madje shpesh këto forca kanë kryer dhe misione të ndryshme kundër shtetit islamik si dhe grupeve të ndryshme terroriste. Vetëm gjatë muajve të fundit ushtria amerikane ka goditur një sërë objektivash në Irak, Siri e Jemen, me qëllim që të pengojë rebelet Houthi që vazhdojnë të jenë një kërcënim për anijet e transportit të mallrave në detin e kuq.