Të shtënat ndaj trupave të Gardës Kombëtare pranë Shtëpisë së Bardhë për Donald Trump janë një akt i pastër terrori. Presidenti amerikan nuk ndodhej aty në momentin e incidentit. Sipas autoriteteve amerikane, ishte një afgan ai që hapi zjarr ndaj dy anëtarëve të Gardës në qendër të Uashingtonit duke i plagosur rëndë. Njëri prej tyre kishte mundur megjithatë t`i përgjigjej zjarrit, duke qëlluar autorin e dyshuar që po trajtohet gjithashtu në sptal. Ky sulm i neveritshëm ishte një akt i së keqes, një akt urrejtjeje dhe një akt terrori. Kafsha që i qëlloi dy pjesëtarët e Gardës Kombëtare - që të dy të plagosur rëndë dhe tani ndodhen në dy spitale të ndryshme - është gjithashtu i plagosur rëndë, por sidoqoftë, do ta paguajë shumë shtrenjtë. Trump nuk dha detaje më specifike rreth motivit të mundshëm. Sipas NBC dhe Reuters, FBI po e heton sulmin si një akt të mundshëm terrorizmi. Policia njoftoi se bëhet fjalë për një autor të vetëm. I dyshuari është një shtetas afgan që ka hyrë në SHBA në vitin 2021, deklaroi Presidenti, i cili në fjalën e tij e quajti Afganistanin një "vrimë ferri në tokë" dhe pretendoi se miliona njerëz nga e gjithë bota kishin hyrë në SHBA pa kontroll në kohën e paraardhësit të tij demokrat, Joe Biden. Duke marrë shkas nga ngjarja e rëndë, republikani tani do të rikontrollohen të gjithë individët që hynë nga Afganistani gjatë presidencës së Bidenit. Ai deklaroi gjithashtu se do të "ndërmerrte të gjitha hapat e nevojshëm për të siguruar që të dëbohen të gjithë shtetasit e huaj nga të gjitha vendet që nuk duhet të jenë këtu ose që nuk sjellin ndonjë përfitim për SHBA-në.