Një ngjarje tragjike tronditi qytetin universitar të Uppsala-s të hënën, kur një person i armatosur hapi zjarr në një sallon bukurie pranë sheshit kryesor, duke lënë të vdekur tre persona. Autoritetet suedeze kanë nisur një operacion të gjerë për të kapur autorin, i cili iku nga vendi i ngjarjes me një skuter. Sipas raporteve lokale, sulmuesi veproi me shpejtësi prej profesionisti para se të arratisej, duke e detyruar policinë të ndërmarrë një kërkim të gjerë. Një pjesë e madhe e zonës përreth u mbyll për të lehtësuar hetimet, ndërsa një helikopter policie u përfshi për të ndihmuar në lokalizimin e të dyshuarit. Incidenti ndodhi vetëm pak ditë para festivalit të madh pranveror Ëalpurgis (Valpurgis), i cili çdo vit mbledh mijëra qytetarë dhe vizitorë në rrugët e Uppsala-s. Një dëshmitar okular përshkroi ngjarjen për kanalin suedez TV4, duke thënë: “Gjithçka ndodhi kaq shpejt. Thjesht dëgjuam tre të shtëna.” Suedia po përballet me një rritje shqetësuese të dhunës së lidhur me armët dhe bandat kriminale. Ngjarja në Uppsala ndodhi vetëm pak muaj pas një tjetër sulmi masiv në një qendër arsimore në Örebro, ku dhjetë persona humbën jetën.