Sulmi i djeshëm me hark e shigjeta që la pesë të vdekur në Norvegji, duket se është një akt terrori, por motivet e të dyshuarit danez duhet ende të përcaktohen saktë. Autoritetet norvegjeze thanë sot se i dyshuari 37-vjeçar i konvertuar në musliman, ishte sinjalizuar më parë si ekstremist i mundshëm. Ndërsa fqinjët e të dyshuarit e përshkruanin atë si “vetmitar” dhe “gjithmonë të vervozuar”. "E pashë atë dje pasdite rreth orës 3, po nxirrte plehrat jashtë dhe gjithmonë shikon të tjetrët me dyshim”, tha një fqinj i të dyshuarit. Katër gra dhe një burrë, të moshave 50 deri në 70 vjeç u vranë prej tij, ndërsa tre të tjerë u plagosën në sulmin e mbrëmshëm në Kongsberg, pranë kryeqytetit Oslo. Kreu i policisë norvegjeze Ole Bredrup Sæverud tha se i dyshuari ishte konvertuar në fenë muslimane, ndërsa motivet e sulmit të tij mund të do të kërkojnë kohë të saktësohen. “Ngjarjet në Kongsberg duket se janë një akt terrori, por hetimet do të përcaktojnë në detaje motivacionin e tyre”. Rrjeti publik vendas NRK raportonte se sulmuesi ishte dënuar më parë për shkelje të vogla dhe kishte një urdhër mos-afrimi ndaj dy familjarëve të tij.