Si pasojë sulmit kibernetik të së shtunës në mëngjes që shkaktoi ndërprerje serioze në sistemin e regjistrimit të pasagjerëve, Aeroporti Ndërkombëtar i Brukselit ka njoftuar se për të dielën ka anuluar 50% të fluturimeve “Aeroporti i Brukselit u ka kërkuar linjave ajrore të anulojnë gjysmën e fluturimeve me nisje të planifikuar për të dielën, me qëllim shmangien e vonesave të mëtejshme dhe mbingarkesës në terminal”, tha një ëdhënes i aeroportit. Sistemi i regjistrimit të pasagjerëve është goditur nga një sulm masiv kibernetik, i cili ka prekur disa aeroporte në Europë, duke shkaktuar vështirësi në operacionet e përditshme të fluturimeve. Autoritetet belge po punojnë në koordinim me linjat ajrore dhe kompanitë e sigurisë për të zgjidhur problemin sa më shpejt të jetë e mundur, ndërsa udhëtarëve u këshillohet të kontrollojnë statusin e fluturimeve të tyre përpara nisjes drejt aeroportit. Autoritetet në Aeroportin Brandenburg të Berlinit thanë se një ofrues shërbimesh për sistemet e menaxhimit të pasagjerëve u sulmua duke detyruar operatorët e aeroportit të ndërprisnin lidhjet me sistemet. Aeroporti i Londrës Heathroë, më i ngarkuari në Evropë, tha se “një problem teknik” preku një ofrues shërbimesh për sistemet e regjistrimit dhe pranimit të udhëtarëve. Aeroportet i këshilluan udhëtarët e tyre të kontrollonin statusin e fluturimeve të tyre dhe kërkuan falje për çdo shqetësim.