Presidenti ukrainas, Volodymyr Zelensky ka bërë thirrje për “unitet” nga bota, ndërsa lufton sulmet e njëpasnjëshme të Rusisë. “Vetëm së bashku mund ta ndalojmë këtë të keqe”, tha Zelensky, pas sulmit rus gjatë natës në disa qytete të Ukrainës, ku humbën jetën 2 persona dhe u plagosën disa të tjerë. Në deklaratën e tij të fundit, presidenti ukrainas tha se Rusia ka lëshuar pothuajse 140 raketa, më shumë se 900 bomba ajrore të drejtuara dhe mbi 600 dronë sulmues gjatë javës së kaluar. Ai thotë se kjo tregon se Moska po përpiqet të “frikësojë” Ukrainën me “të ftohtin dhe mungesën e dritës” pasi synon sistemet e saj të rëndësishme të energjisë. “Ata po përsërisin veprimet e tyre dhe po përpiqen të marrin rezultate prej tyre. E gjithë bota e sheh dhe e di se ne po mbrohemi nga e keqja absolute, e cila nuk kupton asnjë gjuhë përveç forcës. Ne kemi nevojë për unitet, bota ka nevojë për unitet. Vetëm së bashku mund ta ndalojmë këtë të keqe.”, tha presidenti ukrainas në fjalën e tij. Source: POOL VIA VGTRK/ SLEDCOM/ RUSSIAN DEFENCE MINISTRY/ UKRAINIAN PRESIDENCY/ POOL VIA VGTRK