Sulmet izraelite në Libanin jugor ka bërë që të pezullohen të paktën 40 fluturime brenda dhe jashtë aeroportit kryesor në Bejrut. Megjithatë aeroporti mbetet i hapur. Shumica e fluturimeve të anuluara ishin drejt Gjermanisë, Arabisë Saudite, Emiratet e Bashkuara Arabe, Turqia. Etiopia Zvicra, Franca, Egjipti, Iraku dhe Katari. Autoritetet libaneze të aviacionit kanë mohuar raportet për pezullime të plota të fluturimeve dhe kanë sqaruar se disa linja ajrore zgjodhën të ndalonin operacionet në Bejrut për shkak të sulmeve izraelite në ditët e fundit. Qatar Airways, EgyptAir , Tarom dhe Lufthansa janë ndër ato që kanë pezulluar fluturimet për në Liban. Së paku 492 njerëz janë vrarë si pasojë e bombardimeve të ashpra izraelite ndaj shënjestrave të Hezbollahut në Liban, tha Ministria e Shëndetësisë e Libanit të martën. Ushtria izraelite kreu të hënën sulme të mëdha intensive ndaj Hezbollahut – grupit militant të shpallur oranizatë terroriste nga Shtetet e Bashkuara. E hëna ishte dita më vdekjeprurëse e konfliktit atje në 20 vjetët e fundit. Mijëra familje kanë ikur nga shtëpitë e tyre, gjithashtu. Ushtria Izraelite tha se i goditi 1.600 shënjestra të Hezbollahut në përpjekje për ta shkatërruar infrastrukturën që ky grup i armatosur e kishte ndërtuar pas luftës së vitit 2006.