Forcat speciale ukrainase pretendojnë se kanë dëmtuar dy avionë luftarakë në një sulm të kryer natën në rajonin Nizhny Novgorod të Rusisë, rreth 400 milje larg kufirit ukrainas. Sulmi vjen si pjesë e përpjekjeve të Kievit për të penguar përparimin e forcave ruse në vijën e frontit. Në një deklaratë, Shtabi i Përgjithshëm i Ushtrisë ukrainase njoftoi se dy avionë, janë goditur gjatë operacionit që po hetohet për shkallën e dëmit. Aeroporti Savasleyka është një pikë kyçe për vendosjen e avionëve MiG-31K me raketa balistike, të cilat përdoren kundër forcave dhe qyteteve ukrainase. Një sulm tjetër i rëndësishëm u regjistrua në fabrikën qw wshtw vend prodhim i pajisjeve kyçe për artilerinë dhe dronët rusë. Sipas Ukrainës, dy dronë goditën objektin, duke shkaktuar zjarre të mëdha dhe pezullim të prodhimit. Autoritetet ruse ndaluan fluturimet pwr shkak të incidentit. Ndërkohë, gjatë natës Rusia ndërmori sulmin më të madh me dronë që nga fillimi i luftës, duke lëshuar 479 dronë dhe rreth 20 raketa në territorin ukrainas. Forcat ukrainase pretendojnë se kanë shkatërruar shumicën e tyre në ajër, dhe vetëm disa kanë goditur objektivat. Sulmet e fundit vijnë në një kohë kur Rusia ka bërë përparime në rajonin e Sumy-t dhe vazhdon betejat e ashpra në Donetsk.