Franca dhe Gjermania u tronditën në dy ditë nga dy sulme me thika që lanë pas edhe viktima, autorët ishin dy emigrantë. Në Francë, sulmi me thika ndodhi këtë të shtunë pranë një tregu në qytetin lindor të Mulhouse ku mbeti një i vdekur dhe dy policë të plagosur. Policia mundi të ndalonte agresion, ai ishte një 37-vjeçar me origjinë algjeriane. Mediat vendase raportuan se gjatë sulmit ai kishte bërtitur "Allah Akbar", ndërsa rezultonte të ishte dënuar më parë për nxitje të terrorizmit dhe priste largimin nga territori francez pasi nuk kishte fituar azilin. Presidenti Emmanuel Macron e dënoi ngjarjen dhe shprehu "solidaritet me kombin e tij" duke shtuar se prioritet i qeverisë franceze do të jetë lufta ndaj terrorizmit. Ndërkohë që në kryeqytetin gjerman Berlin u arrestua agresori i sulmit me thikë të një turisti spanjoll pranë Memorialit të Holokaustit.Ai është një azilkërkues sirian 19-vjeçar dhe ky është momenti kur policia e arreston. Sipas autoriteteve, sulmi kishte origjinë antisemite, pasi siriani ishte shprehur se donte të vriste hebrienjtë Kancelari gjerman Olaf Scholz e cilësoi ngjarjen "të tmerrshme". Sundimi i ligjit duhet të jetë mbi gjithcka tha ai para gazetarëve.