Një sulm terrorist me thikë dhe me armë raportohet të ketë ndodhur këtë të martë në Tel Aviv të Izraelit. Për pasojë 9 persona kanë mbetur të lënduar, ndërsa 2 prej tyre janë në gjendje kritike për jetën. Ngjarja ka ndodhur në zonën e Jaffës, ndërsa mësohet se një prej autorëve të sulmit është ekzekutuar nga policia izraelite. Dyshohet se dy autorët zbritën nga hekurudha dhe hapën zjarr me armë automatike mbi njerëzit që prisnin në stacionin e trenit. Irani ka nisur të lëshojë qindra raketa në territorin izraelit, sipas Reuters! Ushtria izraelite thotë se raketat janë lëshuar nga Irani drejt Izraelit. Më herët u raportua se ka pasur një shpërthim në Tel Aviv dhe tashmë sirenat paralajmëruese po bien në Jerusalem, sipas agjencisë së lajmeve. Në një postim në X Forcat Mbrojtëse të Izraelit (IDF), deklarojnë se të gjithë civilët izraelitë janë në strehimore për bomba ndërsa raketat nga Irani vijojnë të hidhen në Izrael.