Të paktën 6 persona kanë humbur jetën dhe 9 janë plagosur në një sulm terrorist me armë të martën mbrëma në qytezën Xhafa pranë Tel Avivit, në pjesën qendrore të Izraelit. Lajmin e konfirmuan autoritetet vendëse, ndërsa mes 9 personave që mbetën të plagosur, sipas ekipeve të emergjencave, të paktën katër prej tyre janë në gjendje kritike. Sulmi ndodhi në afërsi të stacionit të trenit në këtë qytet dhe i parapriu sulmit me raketa nga Irani, që nisi vetëm pak minuta më vonë. Sipas medias vendëse dy persona të armatosur u panë të dilnin nga treni të armatosur duke qëlluar mbi civilët dhe rrjedhimisht u qëlluan për vdekje nga forcat e sigurisë. Në një deklaratë të policisë thuhet se rreziku ishte neutralizuar dhe situata në Xhafa ishte vënë në kontroll. Policia tha se janë njoftuar ndërkohë edhe familjet e viktimave.